KAKINADA
కాకినాడ జిల్లా
పోర్ట్ కార్యకలాపాలు, పెట్రో కెమికల్ పరిశ్రమలతో కాకినాడ జిల్లా ఆర్థికంగా బలపడుతోంది. సముద్ర వాణిజ్యం ప్రధాన ఆధారం. కాకినాడ తాజా అప్డేట్ ఇప్పుడు.
కాకినాడ- సామర్లకోట కెనాల్ రోడ్డులో శానిటేషన్ డ్రైవ్
అధికారులతో కలిసి తనిఖీ చేసిన జాయింట్ కలెక్టర్ అపూర్వ భరత్
జేసీబీలు, బ్లేడ్ ట్రాక్టర్ల సహాయంతో చెత్త, మట్టిని తొలగిస్తున్న అధికారులు
కెనాల్ రోడ్డుకు ఇరువైపులా శుభ్రత కార్యక్రమం ఏర్పాటు
కాకినాడ జిల్లాలో చేపట్టిన ప్రత్యేక శానిటేషన్ డ్రైవ్ ను జాయింట్ కలెక్టర్ అపూర్వ భరత్… అధికారులతో కలిసి తనిఖీ చేశారు. మొదటిగా కాకినాడ- సామర్లకోట కెనాల్ రోడ్డులో చేపట్టిన శానిటేషన్ డ్రైవ్ ను జిల్లా జాయింట్ కలెక్టర్ అపూర్వ భరత్, మున్సిపల్ కమిషనర్ ఎన్వీవీ సత్యనారాయణతో కలిసి పరిశీలించారు. రోడ్డుకు ఇరుపక్కల పేరుకుపోయిన చెత్త, మట్టి దిబ్బలను తొలగించే పనులను కార్పొరేషన్ అధికారులు చేపట్టారు.
ఇంద్రపాలెం వంతెన నుంచి ప్రతాప్ నగర్ బ్రిడ్జి వరకు ఉన్న కెనాల్ రోడ్డుకు ఇరువైపుల శుభ్రత కార్యక్రమాన్ని ప్రారంభించారు. జేసీబీలు, బ్లేడ్ ట్రాక్టర్ల సహాయంతో చెత్త, మట్టిని తొలగిస్తున్నారు. పారిశుద్ధ్య వ్యవస్థను మెరుగుపరచాలనే లక్ష్యంతో ప్రత్యేక డ్రైవ్ చేపట్టడం జరిగిందన్నారు.
ఈ పనులు సక్రమంగా జరిగేలా సంబంధిత అధికారులు అవసరమైన చర్యలు చేపట్టాలని జేసీ అధికారులకు సూచించారు. కెనాల్ రోడ్డుపై రాత్రివేళల్లో కొంతమంది చెత్తను తీసుకొచ్చి పారేస్తున్నారని, ఇకపై ఎవరైనా చెత్త వేస్తే కఠిన చర్యలు తీసుకుంటామని హెచ్చరించారు. రాత్రివేళ గస్తీ ఏర్పాటు చేయడంతో పాటు సీసీ కెమెరాలు ఏర్పాటు చేయనున్నట్లు మున్సిపల్ కమిషనర్ సత్యనారాయణ తెలిపారు. ఇక దీనిపై మరింత సమాచారం రీజనల్ కోఆర్డినేటర్ నానాజీ అందిస్తారు.
