Pawan Kalyan: ఏపీ డిప్యూటీ సీఎం పవన్ కళ్యాణ్ పుట్టినరోజు సందర్భంగా రాజకీయ, సినీ, వివిధ రంగాల ప్రముఖులు ఆయనకు శుభాకాంక్షలు తెలిపారు. ప్రధాని మోదీ, ఏపీ సీఎం చంద్రబాబు, మెగాస్టార్ చిరంజీవి సహా పలువురు ముఖ్యలు సోషల్ మీడియా వేదికగా బర్త్ డే విషెస్ పోస్టులు పెట్టారు. మరోవైపు అభిమానులు అయితే ఊరు వాడా సంబరాలు చేసుకుంటున్నారు. అన్నదానం, రక్తదానం వంటి సామాజిక సేవా కార్యక్రమాలు చేస్తూ తమ అభిమానం చాటుకుంటున్నారు.
‘ఏపీ డిప్యూటీ సీఎం పవన్ కల్యాణ్ ఎంతో ప్రజాదరణ పొందిన నాయకుడు. ఆంధ్రప్రదేశ్ రాష్ట్రంలో ఎన్టీయే ప్రభుత్వం అందిస్తోన్నసుపరిపాలనను పవన్ ముందుండి నడిపిస్తున్నారు. ఆయన సమాజ సేవలో నిరంతరం కొనసాగాలి. ఎప్పుడూ ఆరోగ్యంగా ఉండాలి.’ అంటూ ప్రధాని మోదీ ఎక్స్ వేదికగా ఆకాంక్షించారు.
https://x.com/narendramodi/status/2094987442604617920?s=20
‘మిత్రులు, జనసేన పార్టీ అధ్యక్షులు, ఆంధ్రప్రదేశ్ రాష్ట్ర ఉప ముఖ్యమంత్రి పవన్ కల్యాణ్ గారికి హృదయపూర్వక జన్మదిన శుభాకాంక్షలు. పవర్ స్టార్గా అభిమానుల గుండెల్లో చిరస్థాయిగా ఉండే శ్రీ పవన్ కల్యాణ్ ఆయురారోగ్యాలతో నిండు నూరేళ్లూ వర్ధిల్లాలని మనస్ఫూర్తిగా ఆకాంక్షిస్తున్నాను. పంచాయతీ రాజ్ శాఖలో అనేక సంస్కరణలతో, అభివృద్ది కార్యక్రమాలతో పెనుమార్పులు తెస్తున్నారు. గిరిజన ప్రజల కష్టాలు తీర్చేలా రోడ్ల నిర్మాణం నుంచి పచ్చదనం పెంపు వరకు ఆయన తీసుకుంటున్న చర్యలు ఉత్తమ ఫలితాలను ఇస్తున్నాయి. మార్పును ఆవిష్కరిస్తున్నాయి. రాష్ట్ర పునర్నిర్మాణం విషయంలో ప్రజలకు కూటమి ఇచ్చిన మాటను నిజం చేసేలా అనునిత్యం పనిచేస్తున్న పవన్ కల్యాణ్ గారు ఇలాంటి పుట్టిన రోజులు మరెన్నో జరుపుకునేలా ఆశీర్వదించాలని ఆ దేవదేవుడిని ప్రార్దిస్తున్నాను.’ అని సీఎం చంద్రబాబు పోస్ట్ చేశారు .
https://x.com/ncbn/status/2094981167162487065?s=20
‘డిప్యూటీ సీఎం పవన్ కళ్యాణ్ గారికి పుట్టినరోజు శుభాకాంక్షలు. సినీ అభిమానులకు పవర్ స్టార్, జనసైనికులకు సేనాని, నాకు దేవుడిచ్చిన అన్నయ్య పవనన్న ఆయురారోగ్య ఆనందాలతో వందేళ్లు వర్థిల్లాలి. తెలుగు రాష్ట్రాల్లో పండగను తలపించేలా పవనన్న జన్మదిన వేడుకలు, సేవా కార్యక్రమాలు నిర్వహిస్తున్న అభిమానులకు అభినందనలు’ అంటూ మంత్రి నారా లోకేష్ శుభాకాంక్షలు తెలిపారు.
https://x.com/naralokesh/status/2094971885851467912?s=20
‘నిబద్ధత నిండిన ప్రేమ, బాధ్యతతో కూడిన సంకల్పం, అనుక్షణం ప్రజలకు మంచి చేయాలనే చిత్తశుద్ధి, ఇవన్నీ మా కళ్యాణ్ బాబులో చిన్నప్పటి నుంచీ చూస్తున్నా. తాను చేసే ప్రతి పనిలో పూర్తిగా నిమగ్నమవుతూ, తన ప్రతి అడుగూ పదిమందికి మేలు చేయాలనే తపనతో వేస్తాడు. మా కుటుంబంపై ఎంత ప్రేమ చూపిస్తాడో, తనను నమ్మిన ప్రజలపైనా అంతే ప్రేమ చూపిస్తాడు. ఉప ముఖ్యమంత్రిగా బాధ్యతలు స్వీకరించిన తరువాత గ్రామాల అభివృద్ధి, గిరిజన ప్రాంతాల అభ్యున్నతి, పర్యావరణ పరిరక్షణ, ప్రజల మౌలిక అవసరాల కల్పన కోసం అంకితభావంతో పనిచేస్తూ పాలనలో తనదైన ముద్ర వేస్తున్నాడు. అభివృద్ధిని మారుమూల ప్రాంతాలకు సైతం తీసుకువెళ్తున్న తీరు నాకు ఎంతో ఆనందాన్ని, గర్వాన్ని కలిగిస్తోంది. తెలుగు ప్రజలందరూ మెచ్చే నాయకుడిగా తన భవిష్యత్ లక్ష్యాలను చేరుకునే క్రమంలో ప్రతి అడుగులోనూ విజయం సాధించాలని కోరుకుంటున్నా.’ అంటూ మెగాస్టార్ చిరంజీవి ఆకాంక్షించారు.
https://x.com/KChiruTweets/status/2095007247286100015?s=20
వీరితో పాటు తెలుగు రాష్ట్రాల ప్రముఖ నాయకులు, మంత్రులు, కేంద్రమంత్రులు, ఇతర రాష్ట్రాల ప్రముఖులు, సినీ సెలబ్రెటీలు పవన్ కళ్యాణ్కు పుట్టినరోజు శుభాకాంక్షలు తెలిపారు. దీంతో సోషల్ మీడియా మొత్తం పవర్ స్టార్ బర్త్ డే విషెస్ పోస్టులతో నిండిపోయింది.
